Garegaupa

Heh, skulle du ha sett... No testa eg akkurat det du føreslo her, tuszi, og det funka som fjell! To trykk på stemmeknappen, og vips så fungera navigasjonsknappane på rattet att! Tusen takk for tipset! Det perfekte hadde sjølvsagt vore at både DAB og rattknappar fungerte på same tid, men denne løysinga er ein veldig god nummer to - no slepp eg i alle fall å tenkje på å plukke ut at DAB-modulen, no kan eg berre slå han av og på etter behov!

Då har eg akkurat prøvd det du føreslo. Søkjeknappane fungerer ikkje i nokon av stillingane (FM, FM-AST, AM, AM-AST eller CD). Eg fekk beskjed om at DAB var aktivt når det stend berre "FM" i displayet, så eg reknar med at DAB-systemet er avslått når radioen ikkje er i denne stillinga? Eg har ikkje nokon andre måtar å skru av DAB på som eg veit om. Volumknappane fungerer i alle stillingar, og som sagt så kan eg bruke høgre/venstre-knappane fint til å ta telefonen og leggje på. Så det verkar som om det er berre søkjefunksjonen på radio og CD som har ramla ut.

Hei, folkens! (Sjølv om eg allereie har ein Ford Ranger-tråd gåande rett under her så syntest eg det var mest ryddig å lage ein ny tråd sidan det her er snakk om eit nytt tema.) Då eg nyss kjøpte meg ein 2013-modell Ford Ranger Double Cab Limited så fekk eg installert ein DAB-radiomodul på kjøpet sidan dette ikkje var inkludert originalt. Då dette var gjort så oppdaga eg at eg ikkje lenger kan bruke knappane på rattet til å skifte radiostasjon eller spor på CD-plater. Knappane fungerer fint til å ta telefonen eller leggje på, det er berre for radio/CD dei ikkje fungerer. Då eg spurde Ford om kva årsaka kunne vere så fekk eg beskjed om at dette var DAB-modulen si skuld, og at det ikkje gjekk an å gjere noko med. Eg må seie eg synest det høyrast snodig ut at det skal vere slik, og det er ikkje så reint lite ugreitt å vere forutan denne funksjonen både med tanke på trafikktryggleik og at det er praktisk å ha. Er det nokon som har tilsvarande erfaringar med ein slik installasjon? Viss ikkje eg finn ut av dette så vurderer eg å reise tilbake og få plukka ut heile spetakkelet, men det er heller ikkje ideelt då eg gjerne vil ha tilgang til DAB i bilen...

Aha, då er eg med. Vel, tusen takk for god hjelp så langt! Som sagt så hadde det vore veldig interessant å høyre delenummera på alt som trengst, samt eit overslag på kva det ville koste å få tak i det. Er dette noko ein normalt nevenyttig hobbymekanikar kan få til sjølv, eller bør ein få ein verkstad til å gjere det? Eg er langt frå nokon utdanna mekanikar, men eg har no skifta olje og oljefilter, vasspumpe, bremseklossar og -skiver, hjullager, radiator og anna tilsvarande på den gamle bilen min, samt feilsøkt og fiksa ein del elektriske problem, utan anna hjelp enn Haynes-manualen og verktøykassa.

Å, såpass? Kva kjem det av at dei tok sin del av kaka, vert det rekna som ein "feilkonstruksjon" at det aktuelle leidningsnettet manglar? Eller er det ein slags kompensasjon for at dei "ombestemte" seg og droppa desse tinga som standardutstyr i Limited?

Hei igjen! Ja, viss du ville ha vore brydd med å finne dei aktuelle delenummera og det som elles måtte trengjast av informasjon så hadde eg sett stor pris på det! Men det er ikkje noko som hastar, ta det viss/når du har tid. Angåande om det som skal vere av leidningar allereie er installert eller ikkje: Er det nokon måte eg kan sjå dette på sjølve bilen nokså enkelt, eller lyt eg eventuelt skru opp saker og ting og sjekke? Eller kanskje eg kan søkje på understellsnummer einkvan plass for å finne ut om denne bilen er "innanføre" eller ikkje?

Hei, og takk for kjapt svar! Er det ein her på forumet som har gjort dette, eller ein du kjenner? Det kunne uansett vore interessant å fått kontakt med vedkommande for å få litt meir informasjon. Bilen eg har er fyrstegongsregistrert i Noreg i desember 2013, så det vil altså seie at den truleg ikkje har det leidningsnettet som må til viss eg forstår deg rett?

Hei, folkens! Eg har nyss kjøpt meg ein 2013-modell Ford Ranger Double Cab Limited. Denne har i grunnen alt det eg treng av ekstrautstyr, men eg er likevel litt interessert i å sjekke mogelegheitene for å på eit seinare tidspunkt kunne setje inn originalt ryggekamera (altså det som er integrert i spegelen) og/eller navigasjonssystem med berøringsskjerm i denne bilen. Seljaren (bilen er kjøpt hjå forhandlar) påstår at dette ikkje går, då bilen må vere konstruert for dette utstyret frå fabrikken. Dette synest eg høyrast veldig rart ut. Eg ville tru at bilen var konstruert slik at leidningsnettet er likt på alle bilane frå fabrikken, berre at det aktuelle utstyret ikkje er tilkopla. Eg har kameratar som har tilsvarande erfaringar ved spørsmål om ettermontering av ymse ekstrautstyr, der forhandlar enten seier at nei, det går ikkje eller at dei kan ordne det mot eit god slump pengar. Når kameratane mine så har sjekka og mekka litt så har dei ofte funne ut at det berre er snakk om ein enkel operasjon for å få på det aktuelle ekstrautstyret, eller å aktivere deaktiverte funksjonar. Dei som sel bilane er naturleg nok ikkje interesserte i at Ola og Kari skal vite om slikt som dette, dei vil ha pengane for jobben sjølve - og det er vel på service og ekstrautstyr dei får inn pengar no for tida, ikkje så mykje på sjølve bilsalget. Så, er det nokon som veit om det eg lurar på går an å få til? Eg har leita rundt på nettet etter koplingsskjema for 2012+ Ford Ranger utan å finne noko, og eg reknar med at Ford Norge ikkje er overmåte interesserte i å utlevere dette til meg...